swayam

Swayam kya hai aur isme free shiksha kaise milegi ?

यह पोस्ट हाल ही में अपडेट की गयी है : June 10th, 2020

Swayam ek educational program hai jise bharat sarkar ne high quality education prasar ke liye design kiya hai. Is educational platform se ye baat to sabit hoti hai ki bharat sarkar ka digital india banane ka sapna sach hota najar aa rha hai.
Is online education portal sawyam.gov.in jiske dwara students ko free educational materials jaise video lecture, self assessment test, courses pdf file etc milegi jahan students swayam self study kar sakte hai.
Ab wo baat nhi rahegi jab schools, colleges me bahri bahrakam pathya samagri aur basto ke bojh dhone padte the.
Dekha jaye to garibon ke liye high studies ek sapna jaisa hai kyunki iske liye bahut paisa chahiye par swayam ek aisa platform hai jahan puri shiksha nishulk hai.
Agar student certificate lena chahta hai to use kuch minimum fee pay karke us course me enroll karna padega.
India ki achhi- achhi University faculty ke dwara designed course material, video lecture jo students ke liye free available hai jinhe internet ke madhyam se online or offline download karke padha ja sakta hai.

Isme class 9th se post graduate tak ke courses available hai jo bharat ke best teachers aur lecturers ke dwara banaye gaye hai aur padhne, sikhne me aasan aur mazedar bhi hai. Ye Indian residents ke liye nishulk uplabdh hai.
Kaha jata hai ki jisko padhne, sikhne aur janne ki utsukta ho wo kahi se bhi padh lega par jisko padhna hi na ho use chahe kitni bhi badi University me dakhila kara do uska kuch nahi ho payega.
To kah sakte hai ki Swayam self study karne wale talented students ke liye ek bahut achha platform hai. Waise to is modern technology time me bahut sare aise online portal hai jo online education dete hai jaise ki Coursera, Udemy, Khan academy etc jahan par top class education jo world ki best class University ke dwara provide ki jati hai par inki nischit fee yani ye paid courses hote hai.Also read : khush kaise rahe ?

But Swayam ek free platform hai. Jispe char tarike se study materials provide karwaye gaye hai.

1. Video lecture2. Special tarike se teyar kiye gye study materials jinhe download aur print kar sakte hai.

3. Self assessment test & quizzes.

4. Doubts clear karne ke liye online discussion form.

Ise behtar educational system banane ke liye 7 national coordinator ko appoint kiya gya hai jisme

  •  NPTEL- engineering ke liye
  • UGC- Post graduation education ke liye
  •  CEC – Undergraduate education ke liye
  • NCERT & NIOS – School education ke liye
  •  IGNOU – School se out students ke liye.
  • IIMB – Management studies ke liye

Also read : Mard shadi kyu karte hai ?

Swayam education me secure kiye gye Grades aur marks ko apne academic records jahan aur jis University me hum regular study kat rahe hai wahan transfer kar sakte hai iska mtlb online education ka fayda hamari regular studies me bhi milega.

Is behtar educational system ko Ministry of human resources development (MHRD) aur All India council for technical education (AICTE) ne Microsoft ki madad se develop kiya hai.

Swayam ko register karne ke liye ya to aap apne phone me Android app download karke use kar sakte hai ya fir iski website ko computer me access kar sakte hai.

Swayam online portal ko access karne ke liye is link pe click kare – http://swayam.gov.in

Swayam registeration

1. Agar aap register user hai to apna username dale.

2. Password dale aur sign in kare.

3. Agar signup nhi kiya hai to Sign up now pe click karke new signup kar sakte hai.

4. Ya fir aap apne Facebook, Google, Microsoft account ke sath bhi ise login kar sakte hai.

Ise Register karne ke bad aapke samne new clean dashboard aayega jahan aapko All courses me se aap apna course choose kar sakte hai jiske bare me aap study karna chahte aur ise Enroll now pe click karke ise enroll kar sakte hai.

Swayam dashboard

Isme di gayi categories aur learning path ke dwara aap asani se sabhi courses ko navigate kar sakte hai.

Menu me My courses pe click karke aapke dwara enroll kiye gaye course aur study material download kar sakte hai.

My progress pe click karke apni performance check kar sakte hai ki aap kaise sikh rahe hai.

Agar aapko faculty aur institution ke bare me janna hai to top menu me Faculty aur Institution pe click kare.

Ye ek bahut accha option hai nishulk shiksha prapt karne ke liye jo bharat sarkar ne khash kar un logo ke liye develop kiya hai jo padhna chahte hai aage badhna chahte hai par paise ki kami ke karan apne talent ko use nahi kar pate.

Agar aapke man me iske bare me koi sujhav ya sawal hai to comment me jarur batayen.

Also read :

Indian history me first mahilaye.

kitabo se dosti hai faydemand.

अपनी प्रतिक्रिया दें!

Do NOT follow this link or you will be banned from the site!