Successful blog kaise banaye? badhiya tips hindi me

यह पोस्ट हाल ही में अपडेट की गयी है : June 10th, 2020

Aaj hum bat kreng ki blogging me career bnane ke liye Successful blog kaise banaye? Jaise ki aap jante ho blog banana koi mushkil kam nahi hai. Koi bhi asani se blog bna skta hai internet survey ke anusar har ek second me blog register hota hai par kya apne socha hai ki vo sabhi blog successful hote hai ya bahut acha paisa kamate hai lekin aisa nahi hai unme se kuchh hi blog successful hote hai baki sab 5-10 post dalne ke baad chhod dete hai.

Agar ap kisi other person ki success story se impress hoke sirf paise kamane ke liye blogging krna chahte hai to meri ray me aap rehne hi de.

Agar aap ise passion aur apni hobby ke liye karna chahte hai to yeh aapko naam ke sath-sath bahot achi income bhi dega aur ise aap apni aajeevika ka hissa bana sakte hai.

Kyunki agar ham sirf paise ke liye blogging karenge to ham bahut jaldi isse boar hoke bich me hi chhod denge.Main kuchh step bta rha hu jisse aap ek successful blog bana skte hai aur ek achhe blogger ban skte hai jise duniya Janegi

1. Choose niche (Topic) for blog

Jab aap blog banana ke bare me sochte hai to sabse pahla yahi sawal dimag me aata hai ki blog kis bare me banaye, kis topic ke bare me likhenge.

Apne subject ko pahchane jiske bare me aap passionate aur utsuk ho, iske liye simply note book aur pen leke apne kuchh khas topic jo aapke mind me aa rahe hai likhe aur decide kare ki aap ko kya pasand hai kis bare me aap achhe se logo ko smjha sakte hai aur madad kr skte hai.

Also read : Google Chrome Extension kya hai? Best 15 chrome extensions.

2. Choose blogging platform

Jab aapka topic confirm ho jaye uske baad apko blogging platform choose karna hai. waise bahut sare blogging platform hai jaise WordPress, Blogger, Tumblr etc jinpe aap apna blog free register kar sakte hai

Par unme se sabse jayada Self hosted WordPress aur blogger bahut famous hai as a newbie blogger hame technical knowledge bahut kam hota hai.

Isliye suruat me WordPress pe blogging karna thoda muskil hai to mere anusar aap blogger pe register kar sakte hai kyuki yeh naye blogger ke liye bahut aasan hai aur aasani se customize kiya ja sakta hai.

Agar aap wordpress pe jana chahe to blogger ko assani se wordpress pe migrate bhi kar sakte hai, aap ki sabhi posts wordpress pe chali jayegi.

3. Choose a domain

Blogger pe blog register karne ke bad iske liye domain kharidna jaruri hai kyu ki jab ham blogger pe blog register karte hai to hame subdomain username jaise myblog.blogspot.com kuchh is tarah se milta hai.

Jise google adsense, ad network monetization approve nahi karte agar ham apne blog se paise banana chahate hai to hame top level domain jaise myblog.com kharidna hi padega.

Image source : Pixabay

Blogger ke liye aap godaddy se cheap rate pe domain kharid ke aasani se ise redirect kar sakte hai iski puri jankari yaha hai.

Blogger me custom domain kaise setup kare?

4. Choose template for blog

Ab hume blog ke liye ek achha sa SEO friendly aur responsive template purchase karna hai. Themeforest pe bahut sare ache-ache template hai jise bahut cheap rate pe purchase kar sakte hai.Aap chaho to Sora template, Gooyabi template se free templates bhi download kar sakte hai. Blog ka design jitna acha hoga reader usse impress hoke aap ki site pe fir se aana pasand karenge.

Blog me custom template use karne se pehle ye jarur nishchit karle ki jo template aap istemal karne ja rahe hai to uska design aur loading speed achi hai ya nahi, template SEO friendly hona bahut jaruri hai.

5. Blog modification

Blog me template ko use karne ke bad isko modify karna bhi jaruri hai acha navigation system aap ke readers ko blog se dur nahi jane dega sabhi gadget/widget jaise social media button, facebook like box, twitter feed widget ko blog me add kare.

Faltu ke gadget/widget ko blog me istemal na kare jis se blog ki loading speed kam ho jaye.

6. Great content

Aap ke pas ek ache niche ka blog (website) hai ab ispe apko ache content dalne hai jaise mene pahale bataya tha ki contents apne niche ke anusar hi dale.

Multi topics blog se acha hai kisi particular subject jaise technology, finance, entertainment, games pe article likhe.

Jitne ache aapke content honge search engine (google,bing) me unki achi rank milegi aur apki indexed post search me first page pe show hongi.

Articles ki length minimum 500-700 words aur maximum 1200 words rakhe aur keyword ka istemal kare. Keyword find karne ke liye google ki free tool keyword planner ka istemal kar sakte hai.

Successful blog banane ke liye khas tips

1. Domain choose karte waqt topic ko dhyan me rakh ke choose kare kyuki ek bar domain register karne ke bad aap ise badal nahi sakte.

2. Blog SEO friendly banane ke liye isme jaruri setting jaise robots.txt, custom header tag, search description, meta tag ka jarur dhayan rakhe.

3. Blog ko search engine google, bing, yandex me submit kare aur google webmaster tool ka use kare aur sitemap submit kare.

4. Website ki performance janne ke liye isme google analytics ka use kare iski puri jankari yaha hai.

Blogger me google analytics kaise setup kare?

5. Blog ko web directories me submit kare yaha kuchh popular web directory list hai jisme aap aasani se blog submit kar sakte hai.

6. Post likhte samay keyword ka prayog kare taki aap ki post SEO friendly bane aur search engine me first page pe show ho. Keyword ka jayada prayog na kare nahi to search engine ise spam samjh lega.

7. Post me image, graphics, videos ka use kare aur inko alt. karna na bhule.

8. Post ko ek dusre ke sath inter linking kare jisse readers ko post navigation aur padhne me aasani hogi aur apke blog pe bounce rate kam ho jayegi.

9. Post publish karne ke bad isko social media (facebook, twitter, google+etc) aur bookmarking sites (pinterest,tumblr, stumbleupon, digg, reddit etc) pe jarur share kare.

10. Apne blog topic se related other blog pe meaningful comment kare jisse aap ke comments ko search engine value dega aur apki site dusri site ke sath link ho jayegi jisse aap ki site ki search rank improve hogi. kbhi bhi comment me spamming na kare.

Jahan tak ho sake aise blog pe comments kare jo dofollow link deta ho. Khas kar jo wordpress blog jinpe Commentluv plugin use hota hai wo dofollow link dete hai.Comment add karne se pahle post jarur padhe taki aap ek value bhara comment kar sake.

11. Hamesha post likhe, apne blog ko regular update karte rahe isse aapke blog ki Alexa rank bhi achhi hogi. Hamesha apne blog ki alexa rank check kare agar Alexa rank improve nahi ho rahi hai to nayi strategy apnaye.

Link building pe dhyan de jo aap ke blog ko search engine me achhi rank milne me madad karegi aur SEO (search engine optimization) improve hoga.

Aap Ki site ki search rank aur SEO (search engine optimization)jitna improve hoga utna hi aapki blog post search engine me first page pe show hogi aur aapko dher sara organic traffic milega jo hamare blog ke liye bahut jaruri hai.

12. Hamesha patience rakhe kyunki jab shuru me hamari domain new hoti hai to ispe traffic nahi aata hai. Jab aap ispe kam karna shuru karte hai, daily content publish karte hai aur link building karte hai to iski search engine me visibility hone lag jati hai SEO (search engine optimization) aur Alexa rank sudharne lag jati hai aur aapke blog pe traffic aane lag jata hai.

Isliye dherya rakhe aur kaam pe dhyan de baki sab kuch dhire dhire apne aap track pe aa jayega.

13. Dusre blog se copy paste na kare isse apko koi fayda nahi hona hai kyunki adsense ki policy bahut sakht hai agar aap ke blog me copyright content honge to adsense isko approve nahi karega.

Blogging me success hone ke liye agar in tips ko follow karenge to aap ek successful blog bana sakte hai.

Search engines ko quality content bahut pasand hai isliye hamesha content ki quality ka jarur dhyan rakhe. Post publish karne se pahle grammar mistakes ko check karein aur post ko achhe se edit kare.

Newbie bloggers ke liye ye post bahut help karegi bas batayi baton ko follow kare aur mehnat kare.

Ye post agar apko achi lagi to apne dosto ke sath share karna na bhule. Koi sawal ya sujhav hai to niche comments me jarur likhe.

Ye bhi Padhe:

Google Password Manage kya hai aur kaise istemal kare?

Blogger widget ko mobile devices me kaise show kare?

windows useful keyword shortcuts hindi me !

2 Comments

NDINFO June 13, 2016
Hame aapka template mil sakta hai
To hame bheje thakornaresh211@gmail.com par
Nice post likhta hai aap
Abid Khan June 13, 2016
Naresh Ji thank you apko post achhi lagi, Ye template maine Themeforest se purchase kiya hai jiske license ke according sirf single domain me hi use kiya ja sakta hai. Another domain me use karne ke liye license extand karna padta hai. Ye bahut achhi template hai jisme baht sar modification kar sakte hai, aap ise (Magone) themeforst se $21 me purchase kar sakte hai.