Google chrome extension

Google chrome extension kya hai? Best 14 chrome extensions

यह पोस्ट हाल ही में अपडेट की गयी है : June 10th, 2020

Is post me janenge ki Google chrome extension kya hai? aur  Best 15 chrome extensions ke bare me,
Jab waqt tha computer me task handle krna thoda mushkil hota tha, thanks to developers aur webmasters jinhone extensions, tool aur software banaye.Aaj ham apne browser me extension, tools ka use karke kisi mushkil task ko easily handle kar sakte hai jaise ki main ek hindi reader hu aur mujhe dusro ke blogs padhna sites check karna pasand hai par internet pe bahut sari achhi-achhi website aur blog English me hai isliye mujhe google translate extension ki jarurat padegi jise main browser me add karke
kisi bhi website ko hindi me translate karke asani se padh skta hu.

Agar aap google chrome browser ka use karte hai to aap chrome extension ka istemal karke har ek mushkil task aur work ko aasani se apne browser me kar sakte hai.

Chrome extension kya hai?

Yeh ek software ya app ki tarah hi hota hai bas farak itna hai ki softwere computer me install krna hota hai aur extension browser ke sath attach hota hai.Jaise ki mene pahle btaya extension ke use se har ek kam aasan ho jata hai.

Ye bhi badhiya posts hai:

Chrome extension install kaise kare?

Step 1. Google chrome extension install karne ke liye sabse pahle chrome browser me right corner me ☰ symbol pe click kare aur drop down list me  More tool > Extensions pe click kare.
add chrome extension
Step 2. Extensions me aapko pahle se available extensions dikhai denge, thoda niche scroll karne par Get more extension ka option hoga yahan click karne par new pop up window khulegi jsime aapko search bar show hogi jahan aap games, apps, extensions aur themes search kar sakte hai.
target="_blank">install chrome extension

Is search bar me jo extension aapko chahiye wo search kare jaise ki mene google translate search kiya ab aapke samne bahut sare extensions aayenge jisme se aapko jo chahiye ussi extension pe Add to chrome pe click karna hai.

Step 3. Add to chrome pe click karne ke bad chrome extension browser se attach ho jayega aur right hand side me extension icons show hoga jahan aap ispe click karke asani se iska istemal kar skate hai.

add to chrome

Best 15 chrome extensions

Is post me me aapko 15 best google chrome extension ke bare me bata raha hu jinhe aap apni jrurat ke anusar browser me add karke apne kaam ko aur bhi jyada aasan bana sakte hai.

1. Google translate

google translate

Google translate ek bahut hi achhi language translate tool hai jiska upyog karke hum kisi language ko other language me translate kar sakte hai. Khas bat yeh hai ki ye tool google ke dwara hi banaya gaya hai.
Is extension ko browser me add karne ke bad highlighted text pe click karke apni language me translate kar sakte hai jaise ki agar hume kisi english site ko hindi me dekhna ho to translate this page pe click karke hindi language choose karke pura page hi hindi me dekh sakte hai.

2. Bookmark menager

bookmark manager
Add To Chrome (removed)
Bookmark ka matalab to aap samjhte hi hai jaise ki hum koi site ya blog pe kuch padhte hai aur agar hume uske contents pasand aate hai jise hum dubara bhi padhna chahte hai to ise book mark kar sakte hai.
Ya fir humare pas padhne ke liye jyada time nhi hai to isko bookmark karke fir jab bhi time mile padh sakte hai.
Waise sabhi browser me book mark ka option hota hai par limited pages ko hi bookmark kar sakte hai. Agar hum jyada site bookmark karna chahte hai to bookmark manager ka chrome extension ek badhiya option hai.

3. Panic button

panic button chrome extension
Panic button ke dawara hum sabhi open tabs ko hide kar sakte hai. Jab bhi agar koi emergency ya agar hum kisi ko nahi dikhana chahte hai ki hum kya kam kar rahe hai to ek single click me hum sabhi tabs ko ek folder me hide kar sakte hai aur jarurt padne par isko wapas se restore kar sakte hai.

4. Turn off the lights

Turn off the light
Agar aap browser me youtube ya other site se videos dekhte hai to ye extension aapke liye bahut achha hai ise chrome me add karne ke baad jab aap video watch karenege to aap is extension ke dwara background light ko dim kar sakte hai jisse aapka video clear dikhai dega. Piche ki tab jaise mano ki hide ho gayi ho.

5. Google mail checker

google mail checker

Gmail me to hum sabhi use karte hai, hamare phone me jab gmail pe mail aate hai to hume notification ke dawara pata chal jata hai par computer,desktop, laptop me aisa nahi hai

Iske liye hum google mail checker extension install karke assani se mail check kar sakte hai. Isse hume bar- bar me login karne ki jarurt nhi padegi.

6. Last pass

last pass
Last pass ek behtar password manager hai. is tool ka use karke hum apne password ko bina yad rakhe istemal kar sakte hai.
Bas last pass ki login detail yad rakhni hai aur isme sabhi username aur passwords ko save karna hai yeh sabhi passwords ko syncronize kar lega  jab hum koi site ya kuch bhi login karna hoga to ye asani se bina password yad rakhe login kar dega. Aur khash bat Yeh apne passwords ko protect rakhta hai.

7. Search by image

search by image
Agar hum kisi image ke bare me janna chahte hai ki ye image kahan ki hai iski loacation kya hai isme jo landmark hai wo kahan hai to search by image extension ek badhiya option hai.
Kisi bhi image ke bare me janne ke liye right click karke “Search google with this image” pe click karke jan sakte hai.

8. Hover zoom+

Hover zoom+

Hover zoom+ ek bahut hi badhiya tool hai jo image ko zoom karke dikhati hai. Jab hum koi linked thumbnail pe mouse le jate hai to wah image apne aap zoom ho jayegi. Yeh bahut sari popular social sites pe achhe se kaam karti hai.

9. Chrome Data saver

Chrome Data saver
Data saver internet data ko save karne ke liye bahut achha option hai. Yeh extension google ke dwara hi banaya gaya hai.
Isko browser me install karne ke bad jab hum apne browser se koi bhi site access karte hai to sabhi page request google server se compress hoke hamare browser me load hoti hai jisse humara faltu ka internet data waste hone se bach jata hai.

10. Gmail offline

Gmail offline
Gmail offline un logo ke liye bahut achha tool hai jo remote area me rahte hai ya jo log hamesha internet connectivity ke sampark me nahi rah pate hai. Yeh tool bhi google ke dwara hi banaya gaya hai.
Agar aap humesha apne mails check karne aur unke reply karne ke habitual hai to apne browser me ye badhiya tool add karle.
jisse aap network connectivity me honge tab sabhi aye huye mail offline save ho jayege jinhe aap internet na hote huye bhi padh sakte hai aur unka reply bhi kar sakte hai. Jab next time internet conect karenge to reply kiya hua mail apne aap send ho jayega.

11. Google input tools

Google input tools
Is extension ka use karke hum koi bhi language type kar sakte hai. jaise ki humara keyboard english me hai aur hume hindi me type karna hai to google input tool ke virtual keyboard ka istemal karke asani se hindi likh sakte hai.
bas hume waise hi likhna hai jaise hum facebook aur whatsapp pe message aur status type karte hai.

 12. Google dictionary

Google dictionary
Is tool ka istemal karke hum kisi bhi web page ke words pe double click karke uska matalab jan sakte hai aur wideshi bhasha ko translate bhi kar sakte hai.

13. Momentum

Momentum
Momentum ek bahut achaa extension hai jo hume productive banne ke liye inspire karta hai.
Isme har ek new tab ko personal dashboard me convert kar sakte hai. Daily motivation ke liye isme motivational images, quote aur reminder set kar sakte hai.

14. Awesome screenshot, capture & annotate

Awesome screenshot, capture & annotate
Yeh screen shots ko capture karke ise annotate karne ke liye ek sabse badhiya tool hai. As a blogger aur webmaster aisi tools bahut upyogi hai.
Isko chrome ke sath attach karke hum koi bhi web page ka screen shot le sakte hai aur usko tutorial purpose se istemal karne ke liye edit bhi kar sakte hai.
Iske dawara edit kiye gaye photos ko online aur computer me save kar sakte hai. Sach kahu to yeh mera favourite tool hai.
Note:- Ek bat ka jarur dhayn rakhe Jyada extension istemal krne se browser ki speed slow ho sakti hai ya apka browser hang bhi ho skta hai isliye 5-8 extension hi rakhe.I hope ye badhiya chrome extension apko jarur pasand aaye honge, Inko browser me add karke apna kam fast aur asani se kare.

Extension ke bare me hume apna experience jarur bataye. Agar aap aur badhiya extension ke bare me jante hai to comments se hume suggest kare taki hum is list ko update kar sake.

Ye bhi padhe:

1 Comment

  1. Unknown May 18, 2019

अपनी प्रतिक्रिया दें!

Do NOT follow this link or you will be banned from the site!

Adblock Detected!

Our website is made possible by displaying online advertisements to our visitors. Please consider supporting us by whitelisting our website.