Godaddy custom domain

Godaddy custom domain ke liye free email address kaise banaye?

यह पोस्ट हाल ही में अपडेट की गयी है : June 10th, 2020

Mail aur contact form blog reader aur blog author ke bich communication ka ek bahut acha jariya hai. is post men hum janenge ki Godaddy custom domain ke liye free email address kaise banaye?

Blogger par jab hum register karte hai to hamara blog free hota hai, hamein na koi hosting charge, na koi domain charge pay karna padta hai.

Par jab hum is blog ko ad network jaise adsense se monetize karke paise kamane ke bare me sochte hai to hume ispe thoda sa kharcha jarur karna padega jaise ki custom domain, custom email address, clean code professional templates

etc kyon ki in sab ke bina google adsense humare free blog ko monetize nahi karega.

To mujhe lagta hai aapne apna custom domain register kar liya hai agar nahi kiya hai to godaddy ke sath bahut hi cheap price INR 99/month pe register kar sakte hai jisme aapko domain, 100 email forwarding accounts, Website builder, photo album etc milenge.
Godaddy custom domain register karne pe aapko forward email account milega jisse aap mail forward kar sakte hai jaise ki aap admin@youdomain.com forward account banake isme apne gmail address dalne pe agar koi reader apko is mail address pe mail karega to aapko wo
mail apne gmail account me milega.Par hum isi same mail address se reader ko reply nahi kar sakte hai kyunki iske liye hume godaddy se custom email address kharidna padega.
Mujhe apna custom domain email address help@techaruby.com chahiye tha jo ki godaddy forward mail account ke sath setup karna bahut hi mushkil hai.
Kafi research ke bad solution mila jise aapke sath share karne ja rha hu taki aap apni domain ke naam se free mail account bana sake jispe readers mail kar sakte hai aur aap same address se unko reply bhi kar sakte hai.

Free custom email address setup karne
ke liye sabse pahle aap apna gmail account aur godaddy account login kare aur steps follow kare.

Godaddy Forwarding mail account

Step 1. Godaddy login karne ke bad domain WORKSPACE EMAIL me Manage pe click kare.
Step 2. Ab new window (workspace email dashboard) me create forward pe click kare, apke samne ek new pop up window open hogi jisme aapko details bharni hai.
  • Forward this email address me apni domain ke naam se email address dale jaise ki help@youdomain.com, admin@youdomain.com
  • To these email addresses me apna gmail address dale jispe aap ko reader ke dwara send kiya hua mail milega, aap ek se jyada gmail address bhi dal sakte hai. email ko comma ke sath separate rakhe.
  • Plan me Free email forwarding with domain select kare.
  • Enable auto reply ko expand kare aur message me  “Thanks for contacting us” ya apna koi personal auto reply message dale aur save karde. Auto reply se sender ke dwara mail bhejne par use same time pe auto reply mail milega.
Is process ko complete karne ke bad humara godaddy pe forward email account ban gaya hai jispe koi bhi mail kar sakta hai aur wo mail hume apne gmail id pe milega par hum is same email address ex. (admin@yourdomain) se mail ka reply nahi kar sakte haiAlso read: CDN kya hai aur blogger me free cloudflare CDN ka use karke website ke speed kaise badhaye?

Free Custom email address

Ab hume Gmail pe isi forwarding mail account ke naam se custom mail address setup karna hai taki isi same mail address se sender ko reply kar sake iske liye easy step follow kare.
Step 1. Sabse pahle apne gmail account ke corner me round pic (avatar) pe click karke pop up window me My account pe click kare Apke samne My account window khulega.
Step 2. Ab sign-in & security pe click karne pe new window khulegi jahan thoda niche scroll karne pe apko APP PASSWORD show hoga, click kare.
google%2Bapp%2Bpassword

Step 3. Ab Add select app pe click karke Drop down me Select “Other (custom name)” Aur apni site ka naam dale jaise ki “Techaruby” Generate pe click karne pe password generate hoga jise copy karke kahi note pad par save karle aur Done pe click kare.
Step 4. Fir se apne gmail account me jaye aur corner me gear icon (settings) pe click kare aur drop down menu me Setting pe click kare.

custom%2Bmail%2Badd.%2B1

Step 5. New window me Accounts and import >> Add another email address your own pe click kare. Name me site ka naam aur Email address me Godaddy forwarding mail address (jo pahle godaddy me banaya tha) dale, Treat as alias ko check mark hi rehne de aur Next pe click kare.

Step 6. Ab next window me puri settings achhe se kare kyunki yahan thodi si bhi gadbad hone pe apka custom mail address kam nahi karega.

custom%2Bmail%2Badd.%2B2
  • SMTP server me smtp.gmail.com dale.
  • Username me aap ki wohi gmail id jisme aap setup kar rahe hai.
  • Password me apka App password (jo app password generate karke save kiya tha) dale.
  • Secured connection using TLS (recommended) pe tick mark hi rehne de aur Add account pe click kare.
custom%2Bmail%2Badd.%2B3
  • Ab apke samne confirm verification ka new window khulega jo aapse mail verify karne ke liye confirmation code mangega iske liye apne gmail inbox me check kare, aapke forwarding mail account se aaye huye mail me confirmation code milega. Is code ko copy kare aur confirmation “Enter and verify confirmation code” me dalke verify karde.

Ab check karne ke liye apne custom mail address se apni original gmail id pe mail send karke dekhe ki achhe se kaam kar raha hai ki nahi.

Jab aap apne gmail account se mail compose karenge to aapko FROM me 2 option milenge jisme ek apka gmail primary email address aur dusra apka custom mail address.

Aap apni jarurat ke anusar jis account se mail karna hai choose kar sakte hai aur apne readers ko mail kar sakte hai.

I hope ki ye post apki domain ke liye custom mail address banane me bahut help karegi. Agar aapke pas koi isse achha free solution hai to hamare sath jarur share kare aur iske bare me koi sawal hai to jarur comments me likhe.

Ye bhi bahut kaam aane wali posts hai!

2 Comments

  1. sharuf khan February 7, 2017
  2. Abid Khan February 7, 2017

अपनी प्रतिक्रिया दें!

Do NOT follow this link or you will be banned from the site!

Adblock Detected!

Our website is made possible by displaying online advertisements to our visitors. Please consider supporting us by whitelisting our website.