Gmail account

Gmail par email account kaise banate hai ?

यह पोस्ट हाल ही में अपडेट की गयी है : June 10th, 2020

Aaj ke technology ke is daur me Email account sabka hota hai. Par humare kuchh bhai, behan ko itna knowledge nahi hota ki email account kaise banaye?
Aaj me apko google gmail par Account banana bataunga jisse aap bhi email account banake apni email id ka use kar sakte hai.

Q.:Gmail Kya hai?

A.: Aap sochte honge ki ye gmail aakhir hai kya to me batana chahunga ye google ka free email service hai jispe hum Account banake kisiko email ke jariye Documents, Files, text, send aur receive kar sakte hai.

Q.: Gmail ke kya-kya use hai?

A.: Ek hi gmail account ke jariye google ki sabhi services aur products jaise Google+, Youtube, Blogger, Google photos, Picasa, google maps, google drive etc ka use kar sakte hai.

Jaise ki aap blogger pe account banate hai to aapko register karne ki jarurat nahi hai aur aap jab apna naya Android phone purchase karte hai to aapko suruat me apna gmail id dalna mandatory hai taki Aapke phone ke contacts, photos, videos, aur apne phone ka automatic backup kar sake aur jarurat padne pe data waps le sake jo ki backup ke dauran apke is google account pe chale jate hai.

Aap jaan gaye honge ki google gmail account ke kitne sare fayde hai. Chalo abhi hum jante hai ki ye account kaise banaye ?

Ye bhi padhe: Youtuber Bhuvan Baam ki Biography

Step no.1: Sabse pahle apko apne web browser me www.gmail.com type karna hai aur jab gmail site open ho whan se create new account select karna hai. Ek naya window open hoga jisme apko details bharna hai.

Step no.2: Picture me dikhaye anusar details Dalein

gmail account
1. Name; Apna name dalna hai jis name se aap account bana rahe hai.

2. Apka last name dalna hai.

3. Username: Apna username dalna hai jiss nam se apka gmail account banaega jaise mera account techaruby@gmail.com

4. Apki choice ke hisab se Password dalna hai jisse aap account ipen karenge.

5. Same password dalna hai jo apne pahle dala tha taki confirm ho jaye ki apne password me koi galti nahi kari hai.

6. Apki birth date dalni hai.

7. Apka gender dalna hai aap male ho ya female.

8. Apka mobile number dena hai.

9. Agar apka koi pahle se email id hai to dena hai jisse aap jab password bhul jao to google se vaps apne is email se recover kar sako.

10. Isko apko check mark karke prove karna hai ki aap ek human hai robot nahi hai.

11. Aap jo image me number dikh rahe hai usko bhi type karke prove kar sakte hai ki aap robo nahi hai.

12. Yhan aap ka country ip ke according set ho jata hai, aap chaho to aap apna country badal bhi sakte hai.

13. Apko google ki privacy policy aur term & condition check mark karke accept karna hai.

14. Puri details bharne ke baad apko next karna hai aur ap dekhenge ki apko welcome to gmail milega matlab apka account ban gya aur aap continue karke check kar sakte hai.

Ye bhi padhe: Internet se paise kaise kamate hai?

gmail

Account setup: Jab aap first time login honge to apka gmail account kuchh yun dikhai dega. Picture me dikhaye anusar aap setup kar sakte hai.


1. Aap Ka account create ho chuka hai.

2. Aap apne gmail account ke liye theme select kar sakte hai.

3. Apke koi contacts hai unko gmail me le sakte hai.

4. Yahan par aap apni profile picture laga sakte hai.

5. Apne phone me bhi gmail account le sakte hai bas apko click karna hai apko
apne mobile pe sms milega jisme link hogi uspe click karke aap setup kar sakte hai.

6. Aap gmail ke bare me sikhne ke liye yahan click karke bhi sikh sakte hai ki gmail kaise use kiya jata hai.

Aap Gmail ki tarah hi Yahoo, rediff, outlook etc pe bhi apna account bana sakte hai.

Jin bhai-bahno ko internet ka jayada knowledge nahi hai unke liye gmail pe account banana thoda muskil lagta hai. Par mujhe ummid hai ki ye post padhne ke baad Apko gmail account banana aa gya hoga. Comments se apni ray dein ya koi sawal hai to jarur puchhein.!

अपनी प्रतिक्रिया दें!

Do NOT follow this link or you will be banned from the site!