Cloudflare CDN

CDN kya hai aur blogger me free Cloudflare CDN ka use karke website speed kaise badhaye?

यह पोस्ट हाल ही में अपडेट की गयी है : June 10th, 2020

Search engine ranking me website ki speed aur performance bhi bahut important factor hai. website performance increase karne ke liye janenge ki free Cloudflare CDN ka use karke website speed kaise badhaye? Agar hamari site ki loading speed achhi nahi hai to google site ko penalize bhi kar sakta hai jisse hamari site ki search ranking gir jayegi aur traffic pe bahut assar padega.
Aaj hum free cloudflare CDN ke bare me baat karenge ki kis tarah se ise hum site me setup karke page loading speed ko badha sakte hai aur site ko bad boats aur bad users se protect kar sakte hai.

Hamari site pe regularly social media aur search engine se bahut sara traffic aata hai, agar website ki speed achi nahi hai to visitor site load hone tak jyada wait nahi karega aur humari site ko skip karke dusri site pe chala jayega jisse humari site pe traffic kam ho jayega, page views kam hone se hamari adsense income kam ho jayegi, search engines me site ki page rank bhi kam ho jayegi.

Website ki achhi speed aur better performance me bahut sari bate important hai jaise ki clean code template, css aur html optimization, image optimization, server loading time etc.

Par iske alava site ki loading speed badhane ka sabse achha tarika hai CDN (content delivery network)

Ab aapko jyada confuse hone ki jarurat nahi hai, easy shabdo me jante hai ki ye CDN kya hai aur site me kis tarah se speed fast karne me madad karta hai.

Also read: Blogger me free forum kaise banaye?

CDN (Content delivery network) kya hai?

CDN ( content delivery network) ke server, network internet par pure world me available hote hai. Jab hum apni site CDN server se switch on kar dete hai to sabhi CDN server site content ko cache karke store kar lete hai.
Jab koi user kisi bhi location jaise country, city se hamari site access karta hai to user ke geographic location ke pas ke CDN server se content (post, article) delivery hoti hai na ki domain ke primary server (registered domain server) se joki user ki location se bahut dur hota hai.
Jisse server aur user ke bich doori kam hone se content delivery me time kam lagta hai aur site fast load hoti hai.
Page load fast hone ki vajah se visitor site ko skip kare bina humari site pe rukenge jisse site pe bahut ache pageviews honge jo ki hamare adsense earning ke liye bahut jaruri hai, Site pe bounce rate bhi kam hogi aur search engine me pagerank sudhregi.

Cloudflare CDN (content delivery network) ko site me use karne ke kya fayde hai?

1. Google ne officially ye announce kiya hai ki agar aap ki site ki loading speed achhi hai to isse apki page rank improve hogi. Isliye hamari site ke SEO ko improve karne ke liye CloudFlare CDN server bahut helpful sabit hoga.
2. Yeh site me html, css, javascript codes ko minify ( optimize) karke browser me load karta hai jisse website loading me time kam lagta hai.
3. User ke dwara ki gayi page request ko geographic location pe available CDN server se content deliver hone se site ki loading speed bahut badh jati hai.
4. CloudFlare hume extra layer security provide karati hai jisse humari site pe bad boats, spammers attack nahi kar sakte hai.
5. Isme hum https (secure connection) enable kar sakte hai jisse users ko site ke liye security trust banega aur new readers, returning reader me convert ho jayenge aur humara traffic increase hoga.

6. Iske dwara hum apni site pe attack, threat aur kitna bandwidth use hua iska bhi pata laga sakte hai.

Free Cloudflare CDN blogger me kaise setup kare?

Aapne professional bloggers ke bare me suna hoga ki top bloggers, webmasters page speed fast loading ke liye site me CDN (content delivery network ) ka use karte hai.

Kyunki blogging ko profitable banane ke liye website ka SEO ( search engine optimization), speed, contents bahut mahatva rakhte hai.
Site ki speed aur security badhane me CloudFlare CDN bahut achha option hai. Cloudflare  ka basic version jo ki bilkul free hai agar hame iske sabhi best features ka use karna hai to hum paid version bhi le sakte hai, iske liye hume monthly charge pay karna padega.

Blogger blog me CloudFlair ka use karne ke liye humare blog me custom domain jaise ki myblog.com hona chahiye na ki free blog domain myblog.blogspot.com.

Agar aapne apne blog me custom domain setup nahi kiya hai to godaddy se bahut hi cheap rate INR 99/month pe register karke apne blog me setup kar sakte hai.
Blogger me custom domain setup karne ke liye ye post padhe:

Blogger blog me free CloudFlare CDN setup karne ke liye easy steps follow kare.

1. Sabse pahle http://www.cloudflare.com pe jaye aur apna account create kare.

Cloudflare signup
2. Account create karne ke bad yeh aapse site URL mangega jisko aap CloudFlare CDN server se switch on karna chahte hai. Yahan apki site ka URL jaise ki mysite.com dale aur begin scan pe click kare.
3. Ab CloudFlare kuch hi seconds me apki site ke DNS (domain name server) records ko scan karega,
scan hone ke bad aapke saamne aapki domain ka DNS record show hoge jaha aap check kar sakte hai ki sabhi DNS records add huye hai ki nahi.

Cloudflare in blogger
4. Apke sabhi DNS records ke samne yellow aur grey clouds dikhai denge jise apko switch on, switch off karna hai.
  • Yellow cloud: Iska matalab hai ki aapki subdomain pe CloudFlare server active hai aur sabhi page cache honge aur CloudFlare server se hoke gujrenge.
  • Grey cloud : Iska matlab hai is subdomain pe CloudFlare server deactivate hai aur sabhi page requests CloudFlare se server bypass hoke direct web server se gujrenge.
5. Next aap CloudFlare CDN ke liye plan select kare. Agar apko iske extra features use karne hai to aap paid plan le sakte hai otherwise basic plan bilkul free hai.
6. Security option me medium security choose kare jo aap ki site ko bad boats, spammers se protect karegi.
7. Upar bataye pure process ko complete karne ke baad yeh aapko 2 DNS (domain name server) dega jaise alec.ns.cloudflair.com, bella.ns.cloudflair.com jise hume apne custom domain me DNS (domain name server) ke sath replace karna hai.
8. CloudFlare DNS ko domain DNS se badalne ke ke liye aap apna godaddy account login kare aur Domain >>DNS Zone pe click karke Domain Name Server ko edit kare aur CloudFlare DNS (domain name server) ko copy karke yahan godaddy DNS ke sath replace karde, ok ke button par click karke confirm kare.

add cloudflare dns in godaddy

24 hour me apki domain me Cloudflair CDN active ho jayega tab tak apki site speed pe koi negative effect (ex.- site not reachable, server down) nahi padega.

CloudFlare advance settings

1. Site pe cloudflare active karne ke baad google webmaster aur google analytics tools connect kar sakte hai jisse traffic report, site performance, bandwidth usage aur error ka pata laga sake.
Iske liye Apps me jaye niche scroll karne pe apko google analytics aur webmaster tools milenge jinhe aap single click me add kar sakte hai.
2. CloudFlare menu me Speed pe click kare aur aur Auto minify me html, java script, css ko check mark karde, aisa karne par ye humari site me html, java scrip, css codes ko automatically optimize kar deti hai jisse page load speed badh jati hai.
3. Security level me medium security rakhe jo ki aapki site ko spammer aur bad boats se bachayegi.
4. Challenge passage ko 8 hour set kar de.
5. Menu me aap analytics pe click karke poori analytic details track kar sakte hai jaise ki bandwidth, visitor, threats etc.

ClodFlare ke bare me jyada janne ke liye FAQ padhe!
Conclusion

CloudFlare ek bahut achha CDN hai jiske server globally available hai jisko domain se connect karne ke baad ye na sirf speed load increase karega jab ki site ko security bhi provide karega.

Mene apni site me CloudFlare ko setup karne ke bad strange result paya jo ki expect bhi nahi kiya tha, Sahi kahu to mera CloudFlare ke sath bahut accha user experience raha hai.

Aap bhi isko apne blog me switch karke results dekhe kyon ki ye bilkul free hai jab apki site achha ad revenue earn karne lag jaye tab aap iske additional features ko use karne ke liye paid version bhi le sakte hai.

I hope ye information apke bahut kaam ayegi. Agar koi sawal hai to niche comments me jarur puche aur CloudFlare ke sath apka kaisa experience raha hume jarur bataye.

Ye bhi apke bahut kaam aane wali posts hai:

अपनी प्रतिक्रिया दें!

Do NOT follow this link or you will be banned from the site!