blogger important settings

Blogger par free blog banane ke bad important settings

यह पोस्ट हाल ही में अपडेट की गयी है : June 10th, 2020

Dosto blogger par free blog kaise banate hai? ye to aap jaan gaye honge. aaj hum janenge ki free blog banane ke baad uski puri important settings kaise karte hai?

Blogger account login karne ke bad apke dashboard menu me settings pe click kare aur niche bataye gaye steps ko follow kare.

Basic settings

Blogger basic settings

1.Title: Ye apke blog ka title hai jis naam se apne blog banaya hai. Agar aap ise change karna chahte hai  to aap edit pe click karke apne blog ka title

change kar sakte hai.

2.Description: Yahan par aapko apne blog ki description dalna hai ki apka blog kis bare me hai, jaise ki image me maine apne blog ki description dikhai hai. Jab aap google me apne blog ko search karenge to apke blog ke naam ke niche ye description visible hogi. To achhe se apne blog ko introduce karen joki visitor apke blog ki quality aur apka blog kis topic se related hai bata sake.
3.Privacy: Privacy me aapko ye choose karna hai ki aap apne blog ko search engine me show karna chahte hai ya nahi. Me apko recommend karunga ki aap isko yes hi rahne de.
4.Blog address: Isme aapka blog address hota hai jis naam se
aap banate hai aur yahi apke blog ka link hota hai. Jab aap blog banate hai to apke blog me “.blogspot.com ” extension hota hai jaise ki mera hai techaruby.blogspot.com jisko maine apna godaddy se custome domain purchase karke redirect kar diya hai. Ab ye “.blogspot.com” hat gaya hai aur Address “www.techaruby.com” ho gya hai. Aap bhi apne blog ko custom domain me redirect kar sakte hai.
5.HTTPS: Yeh visitor aur website ke communication me security ka kaam karta hai, Jo ki visitors encrypted connection pe website view kar sakte hai. isko aap yes karke https enable kar sakte hai par jab aap apna blog custom
domain me redirect kar dete hai to ye feature apke blog me kaam nhi karta hai.
6.Blog author: Aapke alava agar apke blog pe aur bhi koi blog post likhta hai to aap yaha additional author add kar sakte hai.
7.Blog Reader: Ab apko ye decide karna hai ki aapka blog kon read kare aur kon na kare, agar aap chahte hai ki aapka blog koi bhi read kare to aap image me dikhaye anusar public select kare,
Agar apki post ko other person na read karke aap hi ya apne jo other author add kiye hai vo read kare to aap second no. select kare. 
Agar aap kisi particular person ke bare me chahte hai ki vo na read kare to aap third no. select kare.

Post and comments settings

Blogger post and comments settings
1.Show at most:
Aap Ke website ke homepage pe kitni post show karni ye yahan decide kar sakte hai. Jitni post aap apne home page pe show karna chahte hai jaise 7,8,10 wo yahan dale.
2.Post template:
Ye pre formate post template hota hai, Jab bhi new post likhnte hai to apke post editor me ye pre formated post available rahti hai.
Aap jo chahe isme dal sakte hai jo ki aapko bar-bar likhna na pade.

3.Showcase images with Lightbox:
Yahan aap jab apni post images ko click karte hai to apki post lightbox showcase me slide show style me show hongi. koi bhi apki post ki image ko click karke ek sath left, right scrolling karke post me available puri images dekh sakta hai. Aap isko “no” karke disable bhi kar sakte hai.

4.Comment Location:
Comment location me aap ke visiter kis tarah se comment karenge ye aap decide kar sakte.

jaise ki aap apni post comments ko full page show kar sakte ho, comment system ko hide kar sakte ho, Comment location Embedded karke reader ko dusre comments ke reply karne ke liye allow kar sakte ho.

Email settings

Blogger email settings
1.Posting using email: 
Aap apne blog me email ke dawara bhi post publish kar sakte hai.Apka Gmail account ka username apka blogger ka mail id hota hai Bas isme domain name blogger hota jaise mera gmail id hai “arkhangori@gmail.com” aur mera blogger mail address “arkhangori@blogger.com” Aap apne blogger ke mail address me kuch secret word add karke address change kar sakte hai.

Isme aapke pas mail dwara publish karne ke 3 option hote hai jinko aap apni jarurat ke according setup kar sakte hai.

  • Publish email immediately: Mail karte hi aapka post publish ho jayega.
  • Save email s as draft post:Aap apni post mail kroge to draft me save ho jayega.
  • Disabled: Is option ko disable kar sakte ho.

2.Comment Notification Email: 
Yahan apko vo mail address dalne hai jinpe aap apne blog ke comment ki notification chahte hai. Agar aapke pas jyada mail address hai to aap apne jo mail address jyada use karte hai wo yahan dale aur jab apke post pe koi comment karega to aapko un sabhi email pe notification email mil jayega aur aap asani se apne blog reader ke comments ke reply kar sakte hai.

Note: Jo mail address aap yahan dale unko comma laga ke separate jarur kare.

3.Email posts to:
Yahan aap wo 10 email address dale jinko apki blog post publish karte hi mil jaye. Jaise ki aapke friends aur family member jo apke blog post sabse pahle chahte hai.

Language & Formatting settings

blogger language and formating

1.Language:
Apne blog ki language set karni hai jis language me aap blog likhna chahte hai.

2.Enable transliteration:
Ye option apko apne post editor me language translation ka button enable karta hai. yahan wo language add karni hai jab aap post likhte hai to wo automatic translate ho jaye jaise ki aapne hindi language select kari hai aur jab aap english letter me type karoge par vo post me hindi me type hogi. Is option ko enable karne ke bad aap apne post editor me language change bhi kar sakte hai.Me sahi kahu to ye mera favourite tool hai.

3.Time Zone: 
Apka timezone set karna hai.jaise ki indian standard time GMT+5:30

4.Date Header Format:
Yahan apko time format set karna hai jo ki apki post title ke bad author ke sath show hota hai.

5.Timestamp Format:
Yahan Time stamp format set karna hai jo apki blog post ke upar visible hota hai.

6.Comment Timestamp Format:
Yahan comments time stamp format set karna hai jo ki reader jab comments karte hai unke sath show hota hai ki comment kab kiya gaya hai.

Search Preferences settings

Blogger search description

1.Description:
Yahan apne blog ki meta description yani short summary minimum 150 letters ki ho dalni hai joki apke blog ke liye bahut hi jaruri hai. Apka blog search engine jaise google, yahoo, bing etc me index hone ke bad jab koi apke blog ko search engine me search karega to apke blog title ke bad meta description show hogi ki aapka blog kis bare me hai aur visitor apne topic ke anusar us search result me apne blog ko click kar sake.

2.Custom Page Not Found:
Jab hamare blog (website) koi bad link se click hoti hai tab 404 error page not found show karta hai jo ki website visitor ko ye nahi pasand aata hai aur visitor apke blog se irritate ho ke vahi leave kar deta hai aur apke blog ki bounce rate badh jati hai.

Aap is page ko achhe se design karke visitor ko homepage ya kisi post list ki link se redirect kar sakte hai.

3.Custom Redirects:
Custom redirects me un external links ko redirect kar sakte hai jinko apne temporarily ya permanently move kar diya hai. Ya koi bad link ho jo ki aap chahte hai ki 404 error page na show kare to aap usko dusre url pe redirect kar sakte hai.

blogger custom redirection
  1. From:Yahan wo url dalna hai jisko aap redirect karna chahte hai.
  2. To:Jis page pe redirect kar rahe hai uska url dalna hai.

4.Custom robots.txt:
Robot.txt ek txt file hai jo hume apne blogger me use karna bahut hi jaruri hai. Iski madad se hum search engine ko ye batate hai ki hamare blog me se kya index karna hai kya index nahi karna hai.
Robot.txt ki puri jankari ke liye aap ye post padhe.

Robot.txt kya hai aur kaise use karte hai?

5.Custom robots header tags:
Custom robot header tags use karke search crawler ko ye batate hai ki home page, archive ya ko index karna hai ya nahi ya post snippet ko index karna hai ya nahi. In option ka use carefully karna bahut jaruri hai nahi to hamare blog ke liye harmfull ho sakte hai.

Other Settings:

blogger important settings
blogger important settings

1.Import & back up:
Is option ka use karke hum apne blog post aur comments ka backup le sakte hai aur apne blog post aur comments ki copy apne computer me save kar sakte hai jo ki bahut hi important hai kyunki emergency me data lost na ho aur in post aur comments ko jarurt padne pe wapas apne blog me import kar sakte hai.

2.Delete Blog:
Yahan se apne blog ko delete kiya ja sakta hai. Jab aap isko delete karenge to ye apki blog list se delete ho jayega par ye blog delete list me chala jaayega Waqt padne pe aap isko undelete karke use kar sakte hai.
3.Allow blog feed:
Yahan se aap apne blog feed ko kaise show karna hai set kar sakte hai.
4.Post Feed Redirect URL:
Agar apne feed burner ya other feed service pe feed burn ki hai to uska pura url yahan dalna hai jispe aap ki puri post feed redirect ho jayegi.

5.Post Feed Footer:
Agar aap apne post feed ke footer me kuch add karna chahte hai joki har ek post ke end me show ho jaise ki thank you, chears, other message etc aap use kar sakte hai. Aap html ya plain text use kar sakte hai.
6.Enable Title Links and Enclosure Links:
Iska use post editor me title link and enclosure link enable karne ke liye use kiya jata hai. Title link enable karke post ka title url apne anusar de sakte hai aur enclosure link hume podcast, mp3 ya other content post feed jese RSS, Post atom me playable banane ke liye help karta hai.7.Your OpenID URL:
openID Ka use karke kisi bhi openID enable site me openID signin karke comment kar sakte hai. Aap apne blog pe openID enable karke dusro ko comment allow kar sakte hai.

8.Adult Content?:
Yes aur no use karke aap apne site pe adult content allow aur disallow kar sakte hai.

9.Analytics Web Property ID:
Isme aapko apni google analytic ID dalni hai jisse aap apni website ko track kar sakte hai ki visitor apki site pe kis tarah se behave karte hai. Kitna traffic aata hai kitni bounce rate hai. Jyada janne ke liye ye post padhe.

Read: Google Analytics ka use kaise kare?

Ummid karta hu blogger settings me ye post apke liye bahut helpful sabit hogi.Posts se related koi sawal hai to jarur puche. Mujhe apki madad karne me bahut khushi hogi.

10 Comments

  1. Unknown August 20, 2016
  2. akshay soneshwar August 20, 2016
  3. Abid Khan August 20, 2016
  4. Niraj April 14, 2017
  5. manglamtech April 19, 2017
  6. GURJIT SINGH July 15, 2017
  7. hindi Engineer November 20, 2018
  8. knowledgeprodution November 20, 2018
  9. Hindi Me Infotech November 20, 2018
  10. Ramesh Singh April 3, 2020

अपनी प्रतिक्रिया दें!

Do NOT follow this link or you will be banned from the site!

Adblock Detected!

Our website is made possible by displaying online advertisements to our visitors. Please consider supporting us by whitelisting our website.