auto-pagination

Blogger auto pagination kya hai aur iska solution kaise kare?

यह पोस्ट हाल ही में अपडेट की गयी है : June 10th, 2020

Blogger me pagination ki problem bahut  hi aam bat hai aaj hum isi topic pe bat krne wale hai ki  Blogger me auto pagination kya hai aur iska solution kaise kare?

Blogger new users ke liye bahut acha aur easy platform hai jahan aap non technical hote huye bhi blogging karna sikh sakte hai aur isme thoda mature hone ke bad wordpress pe move karke huge profitable website me convert kar sakte hai.

Blogger free aur easy hone ke karan log ispe blogging karna jyada pasand karte hai par wordpress ki tarah ispe hamara control nahi hota.

Kabhi kabhi unusual activity happen hoti hai jiske liye hum bahut pareshan ho jate hai aur apne blog me sabhi changes karke bhi solve nahi kar pate.

unme se hi shayad ek problem aapne jarur face ki hogi ki suddenly apke blog home page par kuch post hide ho gayi jaise ki front page pe 3 post second page pe 6 post etc aur aapne apne blog ki settings me no. of post bhi change kar liye aur template bhi change karke dekh liya hoga fir bhi koi solution nahi hua hoga, fir aap ne apne friend google se help mangi aur is page par land kar gaye.

Anyway agar aisi problem hui hai to apka blog Auto pagination problem ka sikar ho gya hai jiska blogger dashboard me koi one click solution nahi hai.Me aage is post me Auto pagination ke solution bataunga isse pahle ye janna bhi jaruri hai ki aakhir ye auto pagination hai kya,

Auto pagination kya hai?

Wikipedia ke according pagination search engine pages pe limited search results dikhane ke liye or threaded forum pe limited number of post show karne ke liye use hota hai -Wikipedia

Humare blog pe pages me content size increase hone ke karan blogger fast loading ke liye humare blog pe number of post remove kar deta hai jisse ki users ko page loading problems face na karni pade aur google robots ko page crawling me problem na ho.

Humara blog google par hosted hai, hume free server space milta hai aur hum koi hosting charge pay nahi karte hai isliye google better user experience ke liye koi bhi step utha sakta hai.
Homepage pe content size increase hone ke karan google automatically kuchh post homepage se remove kar deta hai jisse ki limited content size ke according balance ho jaye aur pages fast load hone lage.

Auto Pagination Kyun hota hai?

1. Post me jyada images use karne se auto pagination problem face karna padta hai.

2. Post me images directly drag & drop karke use karne se bhi yeh problem hoti hai.

3. Image ko size remove kare bina use karne se bhi auto pagination problem hoti hai.
4. Post contents bahut jyada hone se bhi auto pagination hota hai.

5. Images direct kisi dusri website se copy karke apne blog post me use karne se bhi hota hai.

Also read: Top 28 sites free image download karne ke liye!

Blog ko auto pagination se kaise bachaye?

Auto pagination problem ko solve karne ke liye hume hamare blog content size ko reduce karna hoga.
Iska matlab ye nahi hai ki hume posts me se koi images ya contents remove karne honge.
Bas apko karna ye hai ki jab bhi aap post type karte ho to post ke pahle paragraph me apko Jump Break use karna hai, Jisse ki aapke content 2 part me devide ho jayenge aur apke blog home page pe Jump Break ke pahle jo content hai vo visible honge aur jump break ke bad ke content load nhi honge aur auto read more ka option visible ho jayega.
blogger page break
Jump break ka use karne se content size reduce ho jati hai isse home page lightweight ho jata hai aur fast loading karne lag jata hai.
Google ke dwara set ki gayi limit criteria ke under aane ki vajah se home page pe sabhi number of post fir se recover ho jayegi.
Hamesha post write karte waqt content size ko limit me rakhe aur images ko post me drag & drop karke use na kare.
Kabhi bhi image directly kisi other website se apni website me copy paste na kare.
Images post me use karne se pahle unki size reduce jarur kare iske liye aap tinypng jo mera favourite online tool hai, use kar skate hai ya kuch free image optimize software jaise Riot, Image optimizer etc download kar sakte hai.

Dosto ye same problem mere sath bhi hui, settings aur template sabko change karne ke bad bhi problem ka solution nahi hua.Bahut sari research ke bad pta chala ki ye Google ke hi dwara generate hui problem hai aur blog auto pagination se affect ho gya hai.

Agar aapka blog abhi bhi is problem se affected hai to sabse pahle sabhi blog post me jump break use karde aur thoda patience se wait kare apki sabhi number of blog post homepage pe recover ho jayengi. Aur post publish karne se pahle upar batai baton ka jarur dhyan de.

I hope ki is post ko padhne ke bad apko auto pagination se kaise niptana hai jarur samajh aa gya hoga, koi sawal hai to comments me kuch lines jarur dale mujhe apke sawalo ke jawab dene me khushi hogi.

1 Comment

  1. Yat November 20, 2018

अपनी प्रतिक्रिया दें!

Do NOT follow this link or you will be banned from the site!